intro
vannacht höb ich gedruimdj de gouverneur dae haaj bepaaldj… …
in Limburg wirdj allein nog mer met kusjes betaaldj…….
refrein
primeur veur Limburg !!! de rest van Hollandj baaltj
in Limburg wirdj allein nog mer met kusjes betaaldj
noe speeltj zich hie get aaf , watse veurhaer nörges zoogs
ze hauwe zich noe euveral , weem d’r betale moog
Doe gluifs dien auge neet, hoeë se aug kieks,
want zelfs ‘ne zuunige dae wiltj niks mieër veur niks
koeplet
de euro prieze waere euveral dik doorgesjtreeptj
De vate beer kriege ze bienao neet meer aangesjleiptj
Euveral zuusse getuutje lippe om dich haer
Dae vreuger noeëts de beurs trok, dae betaaltj in ein kieër gaer
De middestandj , de horeca , jao ederein is blie
Die vreuger nörges kwoome , die zeen noe euveral bie
koeplet
‘n rundje gaeve woor nog noeëts zoe leuk….ederein lachtj
‘t wirdj direkt betaaldj, wat de serveerster heet gebrachtj
ein dink steit al vast op dit systeem vraoge we octrooi
men raekentj soms waal twieë kieër aaf , en geuftj den auch nog fooi
en ozze gouverneur dae lachtj en straoltj gans van gelök
want ‘t sjuutj flink omhoeëg: os bruto regionaal produkt !!!
outro :
weem witj ‘t of dae tied missjien nog kumtj ,
want wie ich wakker waerdje bleek…… ich haaj gedruimdj